Channel 
Contributing € 5
Arima eskuzabala
- Kreditoetan aipamena
- Eskertze korreoa
- Laburra ikusteko enlaze pribatua
> 11 Co-financiers
About this project
Faster,Puxika! beldurrezko film laburra da. 80. hamarkadako zineari maitasun gutuna eta lan-prekarietatearen salaketa.
Show list of needs
Görev
|
Minimum | Optimum |
|---|---|---|
|
Aktoreak
400€ "Puxika", Igor 4 egunetan lan egiteagatik (100€/eguna)
300€ "Mikel M.", Gabriel por 3 egunetan lan egiteagatik (100€/eguna)
|
€ 700 | |
|
Banaketa
"Banatu Films"-ek laburra 120 festibaletan zabaldu dezan.
|
€ 800 | |
|
Gestio gastuak: GOTEO + BANCO + PAYPAL
Donazioak gestionatzeko garaian hainbat gastu izango ditugu honako hauetan.
|
€ 250 | |
|
Sariak
Kamisetak 600€
Posterrak 200€
Bidaltze gastuak 800€
|
€ 1.600 | |
|
Diseinu lanak
Kartela eta ilustrazioetarako profesional bat kontratatu dugu.
|
€ 200 | |
|
Ekipo teknikoa eta giza baliabideak
Faster, Puxika!-n lanean aritu diren guztiei ordaintzea gustatuko litzaiguke, izan ere, esfortzu handia eta lan ordu asko behar izan dira film laburra aurrera ateratzeko. Izan ere, preprodukzioaz, prodkuzioaz eta postprodukzioaz arduratu gara.
Zuzendaria: 300€
Zuzendari laguntzailea: 300€
Argazki zuzendaria: 300€
Arte zuzendaria: 300€
Soinu zuzendaria: 300€
Ekoizlea: 300€
Making off: 300€
Soinu banda: 300€
|
€ 2.400 | |
|
Hurrengo film laburraren produkzioa
Lehen esan bezala, zinema maite dugu eta ikus-enztunezko gehiago egiten jarraitu nahi genuke. Horregatik, jomuga ezinhobera helduz gero beste ikus-entzunezko proiektu bati ekingo genioke. Gure estiloari zilegi, kritika soziala, erreflexiorako gaiak, algarak eta, agian malkoak izango ditu.
|
€ 2.000 | |
|
Gestio gastuak: GOTEO + BANCO + PAYPAL
Donazioak gestionatzeko garaian hainbat gastu izango ditugu honako hauetan. Geroz eta diru gehio, komisio gastuak handiagoak izango dira.
|
€ 250 |
Altyapı
|
Minimum | Optimum |
|---|---|---|
|
Lokalizazioak
2 lokalizazio, 150€ bakoitzeko alkilerra.
|
€ 300 |
Material
|
Minimum | Optimum |
|---|---|---|
|
Atrezzoa, efektu bereziak eta dietak
Materiala 100€
Efektu bereziak 100€
Dietak 300€
|
€ 500 | |
|
Garraio gastuak
Aktoreen desplazamendua, peajeak, gasolina...
|
€ 200 | |
| Total | € 4.550 | € 9.200 |
Gerekli
Tamamlayıcı
General information
Faster, Puxika! lan prekarietatea salatu nahi duen film laburra da.
Film labur honetan, slasher eta 80. Hamarkadako beldurrezko zinemaren ukituak aurki daitezke. Carpenter, Craven edo Argento-ren lanak izan dira, besteak beste, laburraren inspirazio iturriak. Generoko klasikoak omendu arren, beldurrezko zinemaren elementu definitzaileak erabiltzen eta eguneratzen saiatu gara lan prekarietatearen inguruko istorio bat kontatzeko. Zehazki, "Glovo" garraio enpresa ezaguneko langileen lan baldintza txarrak salatzen ditugu. Fikzioaren bidez, banatzaileen lan baldintza kaxkarrak eta egungo lan munduaren nagusi-langile harreman engainagarriak islatzen ditugu.
Faster, Puxika!-k gaur egungo gai sozialak jorratzen ditu generoko zinema eta zine ganberroa aldarrikatuz. Generoko lanak askotan gutxiesten dira, ustez, ez direlako lan dramatikoak bezain serioak edo aproposak. Beldurrezko zinema entretenimendu huts gisa modura sailkatzen dute askok. Baina, uste horiek alde batera utzita beldurrezko zinemari erreparatzen badiogu, 1968an jada, Ameriketako gizartearen errealitatea erretratatzen zuten, hala nola, The Night of the Living Dead bezalako filmek. Entretenimenduari baietz esaten diogu eta noski, odolari ere. Odol asko!
SINOPSIA
Gau hotz eta euritsu batean “Puxika”-ko banatzaile batek afaria eramaten dio, etxez aldatu berri den Mikel M.-ri. Honek banatzailea bustita dagoela ikustean, etxeko ateak irekitzen dizkio berotzeko eta afaltzeko. Baietza eman eta afaltzen geratu ostean, etxean laguntzeko eskatzen dio, banaketa bakoitzarengatik kobratuko lukeen berdinaren truke; hiru euro ziztrin. Banatzaileak proposamena onartzen du, baina ez daki Mikel M.-k sekretu oso iluna ezkutatzen duela.
KANPAINARI BURUZ
Film laburra jada grabatuta dago, beraz, kanpaina honen helburua ez da laburra grabatzeko beharrezkoak diren baliabideak eskuratzea. Ekipo teknikoak eta aktoreek modu boluntarioan aritu gara labur honetan, ordain saririk espero ez genuela. Izan ere, proiektu hau pasioz bizi dugu, istorio bat kontatu nahi dugu eta lehenik eta behin horretan zentratu gara. Hala eta guztiz ere, oso ironikoa eta tristea suertatzen zaigu, besteak beste, aktoreei ordaintzeko ahalmenik ez izatea lan prekarietatea salatzen duen labur bat egin ostean. Guk, gazteak izanik ez daukagu inor ordaintzeko baliabiderik, horregatik dirua nonbaitetik ateratzeko beharra somatu genuen.
Lan baldintza txukunak eskaintzeko nahiarekin batera, laburra ahalik eta jende gehienengana helarazi nahi dugu. Ezer gutxi balio du film labur bat egiteak amonak eta betiko bost lagunek bakarrik ikusiko badute. Horregatik, transmititu nahi dugun mezuak inora iritsi behar badu, beharrezkoa ikusten dugu film laburra banatzea eta festibal desberdinetara eramatea. Izan ere, edozein ikus-entzunezkoren izateko arrazoia jendeak ikustea da. Film laburra banatzeko aukera desberdinak aztertzen hasi ginen eta berehala argi geratu zitzaigun horretarako ere ez daukagun dirua beharko dugula. Horrela, Ama Birjinaren antzera crowdfundiga agertu zitzaigun bere onura eta mirariekin. Crowdfunding kanpainak gure film laburra ezagutarazteko aukera ematen digu estreinatu aurretik, gure proiektua partekatu eta modu kolektiboan ulertzeko aukera ematen digu eta, noski, diru faltagatik bete ezin genituen helburu horiek egi bihurtzeko aukera ematen digu.
Gure nahiak (helburu minimoa):
- Inbertsioa berreskuratu
- Aktoreei ordaindu
- Film laburra banatu
Gure desirak (helburu ezinhobea):
- Ekipo teknikoari ordaindu
- Hurrengo proiektua finantziatu
Main features and goals of the crowdfunding campaign
OINARRIZKO EZAUGARRIAK
- Lanaren prekarietatea kritikatu
-
- Hamarkadako beldurrezko zinemaren eragin nabarmena
- Gaur egungo gaiak tratatzeko tonu informala
- Beldurra kritika sozialarekin
HELBURUAK
- “Rider” -en egoera laborala kritikatu
- Langileen eskubideak aldarrikatu
- Gaur egungo nagusi eta langileen arteko harremanaren engainua erakustea
- Beldurrezko zinema tresna sozial gisa baloratzea
- 80ko hamarkadako beldurrezko zinea berreskuratzea
- Beldurrezko klasikoak omendu formula eguneratuz
Why this is important
20 urte inguru dituen ikasle taldea gara. Lan desberdinak ditugu edo izan ditugu eta, ondorioz, lan prekarietatea ez zaigu ezezaguna. Lan mundura begiradatxo bat eman ostean, etorkizunak ez dirudi oso itxaropentsua.
Hori dela eta, ohikoa da labur bat egitean enpleguaren segurtasun eza jorratzea. Gaur egungo adibiderik onena “rider”-ak dira; aplikazio baten jabe den enpresa batentzat egiten dute lan, autonomo faltsu bezala. Lanaren prekarietatea eta enpresa mundua, mihise ezin hobeak dira beldurrezko istorio bat egiteko; amesgaiztoko enpresariak, txantxetako eta babesik gabeko lan baldintzak eta beldurtutako langileak. Slasher istorio bat egiteko osagaiak gure egunerokotasunean aurki ditzakegu.
Lan prekarioen inguruan hitz begin nahi dugu oso hurbiletik bizi ditugulako eta beste gazte batzuk bezala, nahiko beldurtuta gaudelako, egia esan.
Gaztea bazara, zure lana ez baduzu gustuko edo kaka bat bada, beldurrezko filmak gustuko badituzu, 80. Hamarkadako estetika gustuko baduzu eta besterik gabe ondo pasatu nahi baduzu, eman aukera bat Faster, Puxika!-ri. Aukera bat edota eurotxo batzuk, animatu!
Taldeko kide guztiek Ikus-entzunezko Komunikazioa ikasten dugu Mondragon Unibertsitatean, beraz, badira urte batzuk elkar ezagutzen dugula. Denok maite ditugu filmak eta labur bat egiteko ideia beti zegoen denen buruan eta hitzetan, batik bat garagardo batzuk edan ostean. Horregatik, aukera izan bezain laster elkartu eta gaia lantzen hasi ginen. Faster, Puxika! labur bat egiteko desiraren emaitza da, beldurrezko filmen argiekiko eta koloreekiko dugun mirespenaren ondorio. Beno, agian garagardo gehiegi edateak ere zerikusirik badu.
Hona hemen gure Addams familiako kideak:
-
Julen Higuera gure gidoilari, zuzendari eta argiztapen teknikaria da. “Ikus-entzunezko proiektuen eta ikuskizunen errealizazioa” ikasi du eta orain Ikus-entzunezko Komunikazioa ikasten du, taldeko beste kide guztiek bezala. Bost urte daramatza ikuskizunen munduan argiztapen teknikari bezala. Besteak beste, "Cabaret chihuahua" edo "I am pitxitxi" bezalako antzezlanetan lan egin du. Gainera, jaialdi desberdinetan proiektatu diren hainbat film labur egin ditu.
-
Julen Urtxegi film labur honen argazki zuzendaria da, argazkilari eta zinemagile esperimentatua, "Mendi Magaletan", "Innitial E" eta "Bang Bang Zinema" bezalako markekin lan egin du. “Ventajas de viajar en tren” filmaren eta "Goazen" telesaiaren ekoizpenean ere aritu da. Urte batzuk daramatza bideo eta bideoklip desberdinak ekoizten, grabatzen eta editatzen. Horregatik proiektu honen produkzioan kalitatezko errodaje bat antolatzen saiatu da.
-
Miren Aretxaga Faster, Puxika!-ko arte zuzendaria da. Hainbat bideoklip grabatu ditu Meka, The Machetazo, Sara Mansilla, Paul San Martin ... bezalako taldeentzat. Mecca Recording Studioko marketing-az arduratu da eta hainbat jaialdi eta kontzertuko argazkilaria izan da.
-
Gerardo Tomé zuzendari laguntzailea da proiektu honetan. Kursaal Promociones Audiovisuales- en kamera laguntzailea izan da eta horretaz gain, kamera, erreportari eta bideo editore izan da “MU Telebistan”. Produkzio lanetan ere aritu da; “Pelotaria” laburmetraian, besteak beste.
-
Oihane García da film laburraren soinuaren arduraduna. Hainbat bideoklip, bideo korporatibo eta ekitaldietako grabazioak egin ditu, eta "El hoyo" eta "El doble más quince" -en lan egin du soinuaren postprodukzioan.
-
Julen Puelles Faster, Puxika! -ko ekoizlea da. "Coco Gut" publizitate kanpainaren produkzioan, errealizazioan eta diseinuan lan egin du. Ikus-entzunezko produkzioan eta marketinean ere aritu da; “x6tence” edo hainbat “influencer” kanalen moderatzaile izanez, adibidez.
Social commitment
Creating culture
Lan prekarietatea kritikatzea eta langileen eskubideak aldarrikatzea. Enpresek euren sinpatiazko mozorroez baliatuta erabiltzen duten indarkeria salatzea eta beldurrezko zinemak gai sozialak lantzeko duen ahalmena agerian uztea.
Sustainable Development Goals
-
No poverty
Economic growth must be inclusive to provide sustainable jobs and promote equality.
-
Peace, Justice and Strong Institutions
Access to justice for all, and building effective, accountable institutions at all levels.
-
Life On Land
Sustainably manage forests, combat desertification, halt and reverse land degradation, halt biodiversity loss
-
Responsible Production and Consumption
Responsible Production and Consumption
-
Sustainable Cities and Communities
There needs to be a future in which cities provide opportunities for all, with access to basic services, energy, housing, transportation and more.
-
Reduced Inequalities
To reduce inequalities, policies should be universal in principle, paying attention to the needs of disadvantaged and marginalized populations.
-
Decent Work and Economic Growth
Sustainable economic growth will require societies to create the conditions that allow people to have quality jobs.
-
Clean Water and Sanitation
Clean, accessible water for all is an essential part of the world we want to live in.
-
Gender Equality
Gender equality is not only a fundamental human right, but a necessary foundation for a peaceful, prosperous and sustainable world.
-
Quality Education
Obtaining a quality education is the foundation to improving people’s lives and sustainable development.
-
Good Health and Well-Being
Ensuring healthy lives and promoting the well-being for all at all ages is essential to sustainable development.
-
Zero Hunger
The food and agriculture sector offers key solutions for development, and is central for hunger and poverty eradication.
-
Partnerships for the Goals
Revitalize the global partnership for sustainable development