HERRIAN XALTOKA

Xalto ta Brinko Animazio Elkartea
Header image
Watch video
Finished 28 / 11 / 2022
Funded!
Received
€ 11.402
Minimum
€ 9.900
Optimum
€ 12.900
104 Co-financiers
Matcher
Diputación Foral de Gipuzkoa multiplies your contribution X 2 through call:
Tu meta es PiztuMeta! 2022
Channel

  • Contributing € 10

    XALTOLAGUN KOSKORRAK 10

    Lezokoa izan gabe ere, egitasmoa polita, erakargarria eta beste nonbait egiteko ere interesgarria dela ikusita, aportazio txiki bat egin nahi duenarentzat.

    • "Korri, Xalto ta Brinko Jaizkibelgo itsasertzean" ipuin bat.
    • Izena bideoen kreditoetan XALTOLAGUN KOSKORRAK atalean.

    > 04 Co-financiers

  • Contributing € 20

    XALTOLAGUN KOSKORRAK 20

    Lezokoa izan gabe ere, egitasmoa polita, erakargarria eta beste nonbait egiteko ere interesgarria dela ikusita, aportazio bat egin nahi duenarentzat.

    • "Korri, Xalto ta Brinkoren abenturak" tapa gogorreko liburua (Herriarekin zerikusia duten 10 ipuinez osatua)
    • Izena bideoen kreditoetan XALTOLAGUN KOSKORRAK atalean.
    > 08 Co-financiers

  • Contributing € 30

    XALTOLAGUN SUDUR HANDIAK

    Nahiz eta haurrik ez izan, egitasmoarekin bat egin nahi dutenentzat.

    -"Lezokuak" bilduma (Herriko pertsonaien inguruko 4 liburu ilustratu)

    1. "Juanes de Salaberriaren hilketa"
      Kale Nagusiko oroitarri misteriotsuak gogorarazten duen 1648an eraildako Juanes Salaberriaren historia.

    2. "Maria Labaienen apustua"
      XVI. mendeko emakume sagardogile honen indarra eta kemena azpimarratzeaz gain, gure herriak itsasoan eta sagardo munduan izan duen garrantzia gogoratu eta gurera ekarri nahi duen historia.

    3. "Lope de Isasti eta goiko elizako aziyua"
      Lope Martinez de Isasti doktorearen irudira egindako hurbilketa. Lezoko historialariak 1625ean Gipuzkoako Historia-laburpena idatzi zuen .

    4. "Esklaboen Barrakoiak"
      Jaizkibelgo errepidea eraikitzeko eta beste lan behartu batzuk egiteko Francoren milaka preso esklabo pilatu zituzten Lezoko barrakoiei buruzkoa.

    - Izena bideoen kreditoetan XALTOLAGUN SUDUR HANDIAK atalean.

    > 17 Co-financiers

  • Contributing € 50

    XALTOLAGUN SUDUR TXIKIAK

    Haur txikiak dituzten familiei zuzenduta.

    • "Korri, Xalto ta Brinkoren abenturak" tapa gogorreko liburua (Herriarekin zerikusia duten 10 ipuinez osatua)
    • Korri Xalto ta Brinko "Dantzan" diskoa.
    • "Marinazkane eta bere zirikuak" herriko inauterien inguruko ipuina.
    • Korri, Xalto ta Brinko pailazoen Trapujale posterra.
    • Etxeko haurren edo haurraren panpin edo elementu kuttun baten aurkezpena eta esposizioa bideo osoan zehar.
    • Izena bideoen kreditoetan XALTOLAGUN SUDUR TXIKIAK atalean.
    > 20 Co-financiers

  • Contributing € 50

    LEZOKOAK ELKARTEKO XALTOLAGUNAK

    Lezoko merkatari, ostalari eta zerbitzuen elkarteko bazkideentzat.

    • LEZOKOAK Elkartearen LOGOA bideo guztietan.
    • Xaltok egindako zure negozioaren iragarki bat ZURE EGOITZAN GRABATUTA
    • Zure negozioaren izena bideoen kreditoetan .

    > 12 Co-financiers

  • Contributing € 100

    XALTOLAGUN TALDEAK

    Elkarte, ludoteka, aisialdi talde, familia kuadrilei eta negozioei zuzenduta.

    • Zuen ekintza edo ekitaldi baten aurkezpena, dinamizazioa edo animazioa.
    • Zuen izena bideoen** kreditoetan XALTOLAGUN TALDEAK atalean.

    > 07 Co-financiers

  • Contributing € 300

    XALTOLAGUN ELKARTEAK

    Elkarte, ludoteka, aisialdi talde edo familia kuadrilei zuzenduta.

    • "Korri, Xalto ta Brinkoren abenturak" tapa gogorreko liburua (Herriarekin zerikusia duten 10 ipuinez osatua).
    • Korri Xalto ta Brinko "Dantzan" diskoa.
    • "Lezokuak" bilduma (Herriko pertsonaien inguruko 4 liburu ilustratu).
    • "Marinazkane eta bere zirikuak" herriko inauterien inguruko ipuina.
    • Korri, Xalto ta Brinko pailazoen Trapujale posterra.
    • Aukeran: Xaltoren ordubeteko pailazo ikuskizuna, kontaketa saioa Mikelekin edo buruhandien tailer bat.
    • Zuen elkartearen izena bideoen kreditoetan XALTOLAGUN ELKARTEAK atalean.

    > 02 Co-financiers

  • Contributing € 1.000

    HERRIKO IKASTETXEAK ETA GURASO ELKARTEAK
    • "Herrian Xaltoka" helburuen baitan ordubetekeo bi pailazo ikuskizun (Edo, ikastetxearekin adostuta, saio txikiagoen bi tanda edo beste ekintzaren bat).
    • Ikastetxearen logoa bideo guzietan.

    > 01 Co-financiers
Project
News
Participate

About this project

Hedapen digitala eta aurrez aurrekoa uztartuz, Xalto pailazoarekin Lezoko kultura, jendea, euskara eta ondarea ezagutzera emateko egitasmoa.

Needs Görev Minimum Optimum
Estudioko 30 bideoen produkzioa
Gure lokalean eta gure ekipo eta infraestrukturarekin estudioko 8-10 minutuko 30 bideoen produkzioa 30x150€
 € 4.500
"Gure iturriak" ataleko 15 minutuko 6 bideoen produkzioa
Kaleko iturri batean herriko pertsonai interesgarriei eginiko elkarrizketen bideoen produkzioa: 6 saio x 400€ = 2.400€
 € 2.400
Aurrez aurreko saioak
Aurrez aurreko 4 emanaldi 4x500= 2.000€
 € 2.000
Needs Altyapı Minimum Optimum
Komisio eta gestio gastuak
Goteo, Paypal, TPV...
 € 600
Komisio eta gestio gastuak
Goteo, Paypal, TPV...
 € 400
Needs Material Minimum Optimum
"Herrian Xaltoka" dekoratua
Aurrez aurreko saioetarako Leire Aranbururen dekoratuaren diseinua eta inprimatzea
 € 400
Kalean eta baserrietan grabatutako 5 saio berezien produkzioa
Akzio kamara batekin Xaltok bere burua eta besteena grabatuz kalean eta baserrietan ekoiztutako 5 bideo x 400€
 € 2.000
Akzio kamara baten erosketa
Kalean eta baserrietan grabatzeko Xaltok bere burua eta besteenak grabatzeko akzio kamara.
 € 600
Total € 9.900 € 12.900
Gerekli
Tamamlayıcı

General information


Korri, Xalto ta Brinko pailazo taldea 1999. urtean sortu genuen Lezoko pailazoak azpitituluarekin, hasierako helburua gure herriko pertsonaiak haurrengana gehiago gerturatzeko asmoa zelako. Euskal Herrian zehar 20 urteren buruan zientoka emanaldi EUSKARA hutsean egiteaz gain, ipuinak ere argitaratu genituen Lezoko haurren iruditeria bertako txoko eta pertsonaiekin elikatzeko asmoz.
Gaur egun lan bera egiteko internetek eskaintzen dituen aukerak eta sormenerako ahalmena baliatuz, Xalto pailazoak Herrian Xaltoka proposatzen digu:
Gure herriko kultura, jendea, euskara eta ondarea ezagutzera emateko egitasmo fresko, dinamiko eta dibertigarria.

Main features and goals of the crowdfunding campaign

Lezoko erreferentziekin Xalto pailazoak astero estudioan grabatutako 8-10 minututako bideo saioak programatuko lituzke YOUTUBEn (36 bideo ikasturtean) aurrez aurreko parte-hartzearekin uztartuz (Saioak zuzenean ikastetxeetan, antzokian, kalean...).
Bideo hoiei "Gure iturriak" atala gehituko genieke . Herri bat ezagutzeko bere iturrietara joatea ezinbestekoa da. Herriko iturriak komunitatearen gizarte-harremanak errazten zituzten elkarguneak izaten ziren. Lezon, plazara doazen hiru kaleetan bana daude.
Hiru iturriak ardatz hartuta eta txandakatuz, Xaltok, Lezoko HARIRA enpresako operadore baten laguntzaz, herriko pertsonaia interesgarriekin 6 elkarrizketa grabatuko lituzke iturrian bertan. (Gonbidatuaren oroitzapen edo gustuaren arabera berak aukeratzen duen hartan)
Hedapen digitala eta aurrez-aurrekoa uztartuz, interakzioa eta atzeraelikatzea bilatu nahi dira. Bideoa ostegunero publikatuko litzateke ostiralean haurrek ikastetxean ikusi eta asteburuan etxean gurasoekin konpartitu ahal izateko. Helburu akademikorik gabe, familiek gure herria modu dibertigarri eta erakargarrian gehixeago ezagutzeko.
Kopuru OPTIMOA lortuz gero, Xaltok bost saio berezi gehiago ekoitziko lituzke, grabaketak kalean edo/eta baserrietan eginez kamara soinean eramanez.
Minimotik pasako bagina, baina Optimora iritsi ez, aurrekontuak permitituko lituzkeen saio bereziak burutuko genituzke.

lezo.jpg

Why this is important

Lezo herri txikia da (6.000 biztanle) baina lo-hiri (ciudad dormitorio) bihurtzen ari da (ez bada jada bihurtu). Donostiatik gertu, ondo komunikatuta eta etxebizitza merkeagoekin, kanpotik eta inguruko herrietatik jende asko etorri da bizitzera, tartean bikote gazteak haurrekin. Lezo maite dugunontzat, baina bereziki aipatutako familientzat, gure herria, jendea, euskara, historia, bertako jaiak, inauteriak, txokoak eta pertsonaiak ezagutzera eman eta bertako dinamikan EUSKARAZ parte hartzera gonbidapen bat da Herrian Xaltoka.
Euskararen erabilera bai kalean, bai medio digitaletan gero eta urriagoa dela ikusita, egoera horrek sortzen digun kezka gure lana euskara hutsean egiten jarraitzeko akuilu da; gure herriko haurrek Xaltoren inguruan erreferente EUSKALDUN bat izan dezaten.
Duela 20 urte baino gehiago ipuinekin hasi genuen bidea gaur egun internetek beste modu batera zabaltzeko aukera ematen digu eta baliatu nahi dugu, zuen laguntzarekin, jakiña.

img-20220508-084639008.jpeg

Team and experience

Mikel Susperregi (Xalto pailazoa) Lezo, 1966. EHUn Pedagogia eta Hezkuntzaren Zientziak ikasketak burutu zituen, Susperketa Soziokulturaleko ikasketak eta Aisialdiko Hezitzaile tituluduna da. 80ko eta 90ko hamarkadetan herrikoEkaitz Atseden Taldea aisialdi elkarteko arduradun taldean ibilitakoa eta Osakidetzan, osasun mentalean, 10 urtez arlo okupazionalean aritutakoa.
Aipaturiko aisialdi talde hark, herriko hainbat eragileren partaidetzarekin batera, abiatu eta bultzatu zuen duela 30 urte baino gehiago Trapujale pertsonaia, egun gure inauteriaren oinarria dena. Inauteriaren historia Mikel Susperregik idatzi eta Lander Zurutuzak (Usurbil, 1966) margotutako komiki batean, "Trapujale, Lezoko inauteria" (1990), argitaratu zen.

1999an Korri, Xalto ta Brinko pailazo taldea sortu eta 2001ean, horri babesa ematen zion, Xalto ta Brinko Animazio Elkartea eratu genuen. Azken 20 urteetan Euskal Herrian zehar zientoka emanaldi (Euskara hutsean) burutzeaz gain, Lezon haurren iruditeria bertako txoko, historia eta pertsonaiekin elikatzeko asmoz, 10 ipuineko bilduma bat argitaratu genuen. Ipuin horiek, gehienak, herriko ekintzaren baten gai eta unearekin koinziditu arazi genituen argitaratu zirenean (Adibidez "Xalto ta Brinko Santakrutzak ospatzen" gure herriko jai nagusiak zirenean kaleratu genuen). Testuak Mikel Susperregik idatzi zituen eta marrazkiak Mikel Casal (Donostia, 1965) ilustratzaile ezagunarenak dira.
Ipuinak agortu zirenean, 2017an tapa gogorreko liburu batean batu eta argitaratu genituen. LIBURU HORIEK SARI gisa erabiltzeko asmoa dugu.

Bi disko ere argitaratu genituen "Kantari" 2006an eta "Dantzan" 2012an. (Lehena agortuta, bigarrena ere SARI gisa.)

2017an, "Marinazkane eta bere Zirikuak" (Susperregi-Zurutuza) ipuina kaleratu genuen Trapujale eta Lezoko inauteria indartzeko. (Hori ere SARI gisa.)

2018an berriz, "Lezokuak" ipuin ilustratuen bilduma argitaratzen hasi ginen, gure herriko pertsonaia edo/eta garai historikoak gazteei ezagutzera emateko xedearekin. Lezoko euskalkia eta hitanoa (Toka eta Noka) erabiliz zenbait elkarrizketatan. Liburuak Mikel Susperregik idatziak dira Lander Zurutuzaren marrazkiekin eta Lezo Institutuan eta Pasaia - Lezo Lizeoan banatu eta irakurri ondoren egilea joaten da ikasleekin saio literarioak burutzera urtero. Azkeneko liburuarekin ("Esklaboen barrakoiak" 2021), gainera, bideoklip bat ekoitzi dugu Garazi Ugalde (Lezo, 1988) idazlearen letrarekin eta Iñaki Labaka (Errenteria, 1968) abeslariak egindako kantarekin, Jaizkibelgo karretera bortxazko lanean behartuta egin zuten Francoren preso esklaboei eta haiei lagundu zieten Lezoko emakumeei eskainia.

Bildumak lau zenbaki ditu oraingoz eta horiek ere SARI gisa erabiltzeko asmoa dugu.

Gure argitalpen guztien euskara gainbegiratzailea Joxe Luix Agirretxe da (Lezo ,1969), Deustuko Unibertsitatean Euskal Filologian lizentziaduna, Oarsoaldeko euskara teknikaria eta, Imanol Esnaolarekin (Lezo, 1971) batera, "Lezoko Euskararen azterketa" (1999) liburuaren egilea. Herrian oso inplikatua, Lezoko Etxetxo Memoria Historikoaren Taldean lan itzela egindakoa da Joxe Luix.

Lander Zurutuza, marrazkilaria izateaz gain, Deustuko Unibertsitatean Historian lizentziatua da, dokumentalista, ikerlaria, herriko liburuzaina eta "Lezoko Toponimia" (2019) liburu mardularen egilea.
Xaltoren luxuxko aholkulariak denak.

2014ean Joxe Luix, Lander eta Mikelek Lezoko Portua, lezoar nortasunaren iparra bloga sortu zuten. Bertan hainbat kolaboratzailek gure herriaren iraganari buruzko artikuluak idazten ditu.


Hiruko pailazo taldea desegin bazen ere, Xaltok jarraitu egiten du: helburu berarekin eta Xalto ta Brinko Animazio Elkartearen babesarekin. Bere web orrian Mikel Susperregi kontalari moduan ere agertzen da. Mikelek Lezoko liburutegian urtero burutzen ditu kontaketak, liburuzainak propio deituta, gure herriko kontuak haurrei azaltzeko. Pandemia garaian, liburutegiak "Ipuin kapsulak" kontaketa saioak online egitasmoa martxan jarri zuen. Hala, Mikel Susperregiri egokitu zitzaizkion saioak grabatzeko, estudio txiki eta iraunkor bat moldatu genuen gure lokalean, bideoak ahalik eta txukunen grabatu eta editatzeko. Horretara moldatu ginen eta, geroztik, Xaltok bideoak ere grabatu izan ditu gero YOUTUBEn konpartitzeko. Nahi izanez gero, hor dauzkazue ikusgai. Egin nahi ditugun bideoen formatua ("Gure Iturriak" atalekoak salbu) horien antzekoa izango da.
Gidoiak Mikelek idazten ditu eta Xaltok antzeztu eta grabatu. Edizioa ere Mikelek egiten du hainbat kolaboratzaileren laguntzarekin. Era horretan, egitasmoak behar duen jarraipena, konstantzia eta arreta bermatzen dira.

Social commitment

Remind me